හ්ම්.. කාලෙකින් මේ පැත්තට ආවෙ මම හිතන්නෙ මාස දෙකකින් විතර ලියන්න කම්මැලිකමේ හිටියෙ. දැනෙ ඉතිං අවුරුදු කාලෙනෙ පොඩි නිවාඩුවකුත් ලැබිච්ච එකේ ඔහේ බ්ලොග් එකක් ලියන්න කියල ආව. කැවුම් සුවදත් එනව බඩ ගින්නත් වැඩි වෙනව ඒත් දැං මේක නැවැත්තුවොත් ආයෙත් ලියවෙන්නෙ නෑ ඒ නිසා මේක ලියල ඉවරයක් කරලම දානව.
අද මම ලියන්න යන්නෙ ගූගල් පාවිච්චි කරල එහි පරිවර්තකය(Translator) සහ ශබ්දකෝෂය(Dictionary) පහසුවෙන් භාවිතා කිරීමට පාවිච්චි කරන කෙටි යෙදුම් කිහිපයක්.
අපිට ගූගල් පරිවර්තකයෙන් i love you කියන විදිය ප්‍රංශ භාෂාවෙන් කියන විදිය දැනගන්න ඕන කියල හිතමු. එවිට කරන්න තියෙන්න සාමාන්‍ය ගූගල් සෙවුමක en:fr i love you කියල ගහන්න මෙහි en යනු english එනම් අප විසින් ලාබා දෙන භාෂාව ඉන් පසු fr යනු ප්‍රංශ භාෂාව එනම් අපිට ප්‍රතිඵලය ලැබිය යුතු භාෂාව සහ ඉන් පසු ඔබ ඇතුලත් කළ යුතු වාක්‍යය.
පරිවර්තකයට අමතරව අපිට නිතරම අවශ්‍ය දෙයක් තමයි dictionary එක ඒ සඳහාත් කරන්න තියෙන්නෙ පහසු දෙයක් පෙර පරිදිම සාමාන්‍ය ගූගල් සෙවුමක en:en love කියල ගැහුවම love කියන එක ඉංග්‍රිසියෙන් අර්ථදක්වන්නෙ කොහොමද කියල බලාගන්න පුළුවන්.
